PU
DONGH ON
(1800-1898)
Min :
Dongh On
Pa Min : Phut
Thang (Suante-Luahlangh)
Nu Min : Dim
Deih (Thatmun)
Vangkhua: 1. Kaalzang
(1800-1845)……..45
2. Phaileng (1845-1869)……..24
3. Mualzawl (1869-1893)……..24
4. Kangkaan (1893-1896)……....3
5. Lunmual (1896-1898)……....2
+_____
98
Zi Min :
Son Ngiak (Thatmun)
Sungh pa : Zui
Pau (Thatmun)
Sungh nu : Dim
Vung (Suante-LL)
Tate:
- Thang Son (s)
- Hong Khual + 1.Niing Dim (Phaileng:Phaipi/Suangkhup)…Mualzawl/Tuilangh
2.Nem Uap (Phaileng:Tawmging)…………Mualzawl/Tuilangh
3.
Thang Vial + Ciin Luan (Phaileng:
Suankhup).....……Mualzawl/Tuilangh
4.
Son Ngul + Chin Niing (Phaileng:Phaipi/Suankhup)...Mualzawl/Lunmual
5.
Son Khat + 1.Goih Huai (Phaileng:Suanman-Suante)...Mualzawl/Tuilangh
2.Uapkhuacing(Tuilangh: Sm-Suante)……...Phaileng/Tuilangh
6.
Deih Ciin
(n)+?............................................................?........................................?
Apian akhankhiatna Kaalzang khua pan Pu
Dong Onte Unau 5te in Dngh On, Tuah Vial, Tuang Neng, Vum Luan leh Awi Huai
hi-a, Pu Phut Thang leh Pi Dim Deih(Thatmun) sung pan khuavak mumasa Pu Dongh
On’ zi Pi Son Ngiak in Thatmun Beh Pu Zui Pau leh Pi Dim Vung(Suante) tanu
neihsun tawh kiteeng aa,
Suan
leh khak 6 aneihsung pan Tapa4 leh tanu 1 khuasuah uh hi. Tua unaute in:
ThangSon(s), Hong Khual, Thang Vial, Son Ngul, Son Khat leh Deih Ciin ahi-uh
hi.
Pu Dongh On in Phaileeng khua pan a tapate
aading mopisakta ahihman-in
A
tute hun pan “Phaileng Awsuah in pau hong kipanta!” uh hi. Khangthakte hun
tomno khat sung in Suante Beh sung Awsuahluanzia kilamdang mangkhin ding cih
a-phawkciang
in ala-phuahte hih anuai aa bang in nau-oihla in asaklel uh ahihhang in thu
ngaihsun-theite adi’n khiatna nei lamal vive tawh akipantah uh a suak hi.
1.
a. Kaaltui vangkhua Tongdam neem aw,
Huihkhi kidang, Tongsuah
dangtah,
A mualzata’n hong hal
zong
Kaaltui vangkhua mah ci’ng ee.
b. Nau aw hong khang hong
khang aw,
Gual tawh tan bang hong
kim aw,
Singta lai ah, Mual leh
guam ah,
Sinlai kaidang sak lo aw ee,
Sinlai kaidang sak lo aw ee,
Suantui Vontawi hi hang
ee.
# Hih la gennop
thu in Kaalzang khua pan mun tuamtuam, khua tuamtuam ah kithehthaang khit hun
ah mun leh mualzui “Awsuah/Tongsuah kidang Naupangte khang hun ah Awsuah leh
Khuaminte in hong khen zong lungsimdang neilo in ‘ki-itding’ agennopna” ahihi.
Pu Phut Thang teek ta a, Pu
DonghOn unau teng in mailam kalsuandaan ding geelna mabante zomto uh hi. Gamthak
sat nuam in kigingkhol khin ngei uh hi. Sezang leh Aipha gamtaak munhoih khawng zong na saikak in gamveel uh hi. Tua
bang kawmkaal ah Sukte Pu Khan Thuam thuneihna in hongphak hun pan tuhun
Kumpite thuneihna izuih mah bang in amau’ thukhunte zuihkulta hi. Ahizong in Pu
Phut Thang’ makaihna tawh Ciimnuai kitung kikbaihkha ahihman-in haksatna
genluat ding omlo hi. Phaileng pan Saizang Innpite tawh kizopna hoih neithei ban
ah na-kipha zeelzeel uh hi.
Gitneihloh laitak in Pi Kho Vung
keentuak in si cih thuging akizakvat ciang in
Lamdang sa in
delhpah uh a, Saizang Upate in Pi Khovung’ beidong thu Mualbem khua a Sanggamte
kiang ah a zaksakteh hongpai pah uh a, thupiangteng hang in hong kihotheiphalo
in Thausuang leh Meihol henkhawp khakkik pah uh ahihman-in akido ding dinmun
hong hiziau mawk uh hi.
Saizang Innpi upate cihnadi theilo in a om
takciang un Phaileng pan-apai azawlte(Pu Phut Thang’ Innuan leh Pu Ngiak Son’
Innkuan) kiang ah Pu Thuam Thawng in thupiang teng na genpah in kamkupna hong
nei uh hi. Hih bang teng kawmkaal ah Pu Ngiak Son tapa Pu Bena pen Sukte
baangkua sung pan akhangkhiapa ahihman in apu Thuam Thawng taang in vakikham in
thugensakdin deih uh hi. Pu Benate Pata zong ngaihsut kihong mahmah mi hi a,
Phaileeng aa akhawisa uh Vokpi hawlpheipah in Pi Khovung’ sanggamte muh in
gosukpah aa, kilemna ding thu agen ciang un Mualbem pan hong pai Innpinu’
Sanggamte in ngaihsak bek thamlo in Pu Bena septe pen Pu Thuam Thawng sepna mah
in saansak uh a, a thugente zong sangsiam zenzen uh ahihman-in buaina om sak
nawnlo uh, kici hi. Hih mun ah athupi mahmah khat ahi, Zongeina tawh thuumna
pen zangsiam uh ahihman-in a ettehhuai khat hi gige hi. Azi-khuaipa Pu Thuam
Thawng zong dah mahmah ding ban ah a sanggamte zong lungkimthei uh thupi hi.
Mualbem Innpite siah khua,
Phaileng pan Pu Bena’ thugenna hang in kitheihsiamkikna(kilemkikna) hong om
theih ciang in Pu Thuam Thawng bek lungdam hilo in Pu Ngiak Son leh Pu Dongh On
te unau zong amaukhom tek un vai kipuakpih ciat suak uh ahihman-in kilemkikna
hong omtheih lungdam uh hi. Hih thupiangte Saizang khua vaihawm upate in
agennop meelloh uh hang khuazangbup aadi’n zong suahtakna khat mah ahihi.
Dotna:
Banghang-in midangte gamtatna peuh Pu Dongh On tangthu sung ah kidawk thei?
Dawnna: Pu Phut
Thang damlai hun in Saizang Innpipa Pu Thuam Thawng tawh zawl in na kiman uh
hi. Pu Ngiak Son in a tapa Innluah din Pu Bena abawlnopciang in Pu Phut Thang
mah in na ngetsak a, a zawlpa deihna apiak man in Pu Bena pen Phaileeng ah Pu
NgiakSon Innluahpa suak sak takpi uh hi. Hih teng ban ah Pu Dongh Onte unau in
apa sih khit cing in Pu Thuam Thawng tawh kizopna zomto suak uh ahihman-in
anopsak hun un nuamsa khawm uh a, ahaksat hun un haksa khawm,
nuamkhawm-dahkhawm ding in akamciam uh ahihman in Pu Thuam Thawng haksat hun
ciang in ahihtheihtawp uh tawh amapankhopna uh tungtawn in hong kidawkkhia
tangthute ahihi.
AD.1865 pawl in Pu Phut Thang
sihteh Saizang Innpipa in hun khat lai a, akamkupna uh Pu Phut Thang
khuasatnopna thu pen a-minsialna kammal sung ah:
“Heih! Pa
Shang, Ngalliam Pasal Nang hi ciaih! Na utna ngam na luah manloh hang Ngaihkhua
leng ing hi ciaih!” acih mabang in Mualzawl khuasat ding avaihawmna thumong
hong kidawk himah leh vaituamtuam hang in a utna gam atunmanlohna zong asih
takpi ciang hong kilangkhia ahihi. Hih thu tawh kisai: Pu Phut Thang in
Ciimnuai lomun pek pan tulai Lunmual(Mualzawl) gam sung ah khuasatnopna thu
akigensa uh ahihmahbang-in Innpipa Pu Thuam Thawng in Kaptel sat sawm khin a,
azawlpa Pu Phut Thang in Mualzawl khuasatnopna thu nidang pek in agensa thu pen
azawlpa uh sihteh hong kidawksak kik thei ahihi.
Hun hong paito zelzel in Pu Thuam
Thawng in 1866 kum pawl in Saizang pan Kaptel khuasat ding ageel hun sung in Pu
Ngiak Son si leuleu ahihman-in Pu Dongh Onte unau, Pu Benate Innkuan(Pu
NgiakSon nusiat Innkuan) zong Phaileng khua pen lalkhiatsanpak zolo leuleu in
om kik tadihphot uha, tuahunsung mah in Phaileng hua pan gamkuante in Saipi 7
tak hong mualsuah uh hi. Hih Saipi 7 mante lak ah Pu Phut Thang’ tapa tum bel
Pu Vum Luan(Pu DonghOnte unau sung ah nautum Innpipa) zong kihel ahihman-in Sai-
ai uh a, zu leh sa neekna tawh nitumzel, khuavakzel lelphot tadih uh hi. Tua
hi-a, 1867 kum in Pu Thuam Thawng in Saizang khua pan Kaptel khua sat takpi ta
a, azawlte ahihleh Phaileeng khua Saipi 7 mual kiimkot ah laamlaam lai uh, ci
uh hi.
AD.1869 kum (Kaptel khuasat zawh Kum
3) in Phaileeng khua pan Beh 7 tawh Mualzawl khuasat ding in Meitei gunpi kikan
a, Pu Dongh Onte unau in leibeel sung ah apa Phut Thang leh anu Dim Deih
luguh pua in Mualzawl tunpih uh hi. Hih thu hang in Mualzawl khua atung Suante
Beh phuisamna kammal sung ah Tuanpupate min teng akilawhkim khitteh: “Phut
Thang ngaau na neem in, Dim Deih ngaau na neem in” ci uh a,
Dawisapiakciang-in
zong Tuanpupate minteng, dawimin teng, munmin teng khempeuh akilawhkimkhitteh: “Phut Thang aw zu hong ne
in, sa hong ne in; Dim Deih aw zu hong ne in, sa hong ne in” ci hamtang uh hi. Hih
phuisamna kammalte khempeuh lak pan athupizawdiakteng pen Siampute bek theih
kammal hi-a, kimawkgen ngamlo ban ah Philnak khuasat hundong lipkhaphuaitak in
akizang kammalte ahi uh hi.
Mualzawl khua ah Pu Phut Thang leh
Pi Dim Deih lutang-guhte pen leibeel golpi sung ah limtak in na keem uh a,
khuado hun ciang-in lakhiazel in ankuanglui uh kici hi. Tua bang hun in Pu
Dongh Onte unauteng pen amau innkuan ciat uh tawh Innpi (Pu VumLuan Inn) ah
kikai khawm in an kikumkhawm/khuado bawlkhawmden uh hi.
Upen Pu Dongh
On in adamsungteng Siampi nasep sem a, ama sihteh anaupa Pu Tuah Vial in amaban
zom hi, cin kiciamteh hi.
Mualzawl khuasatcil in Suante,
Buansing, Thatmun, Tangpua, Phaipi, Suankhup leh Samte cih bang in Beh 7
lutkhawm uh a, Suante Beh: LuahLangh baawng sung pan
Pu Dongh On,
Tuah Vial, Tuang Neng leh Vum Luan suan leh khak teng ban ah Pu Suanman leh Pu
Suangzong aate sung pan min kitheiban nawnlo Phaileng aa ciahkik pawl tawh
gawmkhop Suante Beh Inn 20 val phaman uh kici hi.
Khuasatkhit asawtlo-in hong tung
beh dang pawlkhat sung pan akiciamteh lak ah
Tuitawh pan
SuahKham kici Sukte Beh, Phaileng pan Gualnam Beh, Muizawl khua pan Hatlangh leh
Phiamphu beh kigawm Inn 3 cih bang in kiciamteh hi. Mikang Kumpi hongkhanciang
in Phaileng pan Suante Beh sanggamte pawl khat, Phaipi/Suankhup leh Beh dangte zong hong peem uh a, Gurkha galkapte
sung pan Phaileng khua Sanggamte innhal
pahpahte’n Meitei guunpi hong kaan tak ciang un ki heemkhiakik mangkhin uh hi.
Hong lut nunung
pen Hiang On khua pan Duh Lian Beh cih bang hi-a, honglut masate sung pan
pawlkhat pen akhualui uh ah ciah kik in, khenhat leuleu pen khuadang a lalsuak
lai uh cin ciaptehna zong om hi.
Pu Thuam Thawng in Mualzawl gam
ding hong sehsak pah a, amau tawh kizopna ah amuanhuai, adeihsakdeuh uh Pu Bena
in Mualzawl khuathak ah tangmi sem ding cih thu azakteh Pu ShuanKham in Tuitawh
pan Hausa semnuam in hong delhsuk pah lian hi. Pu Thuam Thawng in pilvangtak in nasem a,
thuneihna pen amau tapate khatpeuh dintheihhunteh amau’ mun mah suaksak zomnuam
ahihman-in Beh dang tung ah hausa apiak ding genloh, a Behpa uh Pu ShuanKham na
leng Hausa asemsak nuam kei hi. Tuabang kawmkaal ah min kidawk Pu Bena in Hausa
sepzom theihna in aneithei suak hi. Amah pen Saizang Innpipa Pu Thuam Thawng in
ama’ inn sung pan akhangkhia-ngeipa ahihman-in midang sang in muang zaw aa,
amau taangmi ding in Hausaneu sem sak a, tuuktha 1 leh khaaltha 1 hawmpah in
akipsak hi. Hih Mualzawl khuathak pan khua mite in Pu Thuam Thawng tung ah
Saliang siahpuak kipatna zong asuakpah hi.
Mualzawl khuasatna ah Suante Beh
sung pan Pupite: Dongh On, Tuah Vial, Tuang Neng, Vum Luan kihel uh a, anuai aa
bang in la na phuak ciat tek uh hi.
Pu Dongh On
laphuah:
- Kaaltui vangkhua nusia’ng ee, Ciimnuai ah Tuidim ci ee,
Ciimnuai
ah Tuidim ci ee, Phaitui ah Tui bang gawm ee,
Phaitui
ah Tuibang gawm ee, Zawltui vangkhua sat hang ee.
Ngalliam Vontawi Zuangtho ve
aw,
Zawltui Vangkhua sat hang ee,
Zawltui Vangkhua sat hang ee,
Lunta vangkhua eenglo ee.
2. Niingzu Aiisa, Laaknuai Sawmsial dim
sak aw,
Tuan aa Pupa setaang kaih bang Luun
sak aw.
- Tuun leh Zua aw Zuangtho ve aw,
Phualva
in bawm, Phualva in bawm ee,
Kawi
tawh Laukha ka hualna aw,
Vangkhua
munnuam, Laam bang paak ni ee.
Pu Tuah Vial
Laphuah:
- a. Sing apau in Suante ci ee,
Sian
leh ziin aw lung-awi ve aw,
b. Leenkhuang tawi din hong siam
ve aw,
Zaila awi din hong siam ve aw,
c. Luigua phungpha hong bang sak aw,
Nunnuam leng din hong siam
ve in.
Pu Tuang Neng
Laphuah:
- a. Singta lai ah Gam vangla ah,
Guungal vangkhua sat hang ee,
b.Guungal
vangkhua sat hang ee,
Sesum sawlsial lam sak aw.
Pu Vum Luan
Laphuah:
1.
a. Gual in sangsa, Kamkei Vuisai kap ci ee,
b. Sangsa vaina Zawltui vangkhua suak
tah ee.
- a. Meilumkai Zingni suak ee, Innka tuanglam dawh bang ee,
b.
Tang silsial, et in lawm ee, Sing cin zatam paallun ee.
- a. Phung leh gual tawh holung kumkhawm leng nuam ee,
b.
Simsing bang ngil, Diah naang bang duai ciat leng ee.
Pu Bena laphuah:
- a. Gual tawh leen na, Sangsa vaina,
Vangkhua sai bang sat hang ee.
b. Phung ii nial teng, gual ii nial teng,
Lumsuang phuhbang kho hen aw.
- a. Sing ii nialteng, gual ii nial teng,
Ciau gal vangkhua sat hang ee,
b. Ciau gal vangkhua sat hang ee,
Ih nuaciang ah Zovontawite,
Ni bang hong luun ding hi ee.
Mualzawl khuathak ah mihing,
ganhing kidam zaw in lothak kizuanzo den a, Phaileng gam sang in leitang hoih
zaw ahihman-in anhig kikhm zawlai hi. Tua hun laikhawng in Mualzawl khua leh
Phaileng khua tawn in Tedim leh Kawl kipai aa, Hiang On, Tuitawh leh Laitui
khuate ban ah sakzin-khangzinte in Mualzawl khua nawk masa in Phaileng khua
zuanciat tek uh hi. Khualzin gamvaakte ankhingsiimtheihna khua khat na suak
ngei cih ding hi. Pu Thuam Thawng in Saizang khua leh Kaptel khua kikawmnading
Lampi a bawlsak pen Ukpite Lampi akitot hun mah in Phaileng lamdawt zaw
ahihman-in
Tedim pai peuh
in tawnzaw ciat uh hi.
1889 March 9 in Mikang galkapte in
Saizang, Vangteh, Phaileng khuate hal sak a, Phaileng ah Meikatloh Inn 6 bek
cianlai uh hi. Innkangteng in gamsung beel in a lobuk khawng uh zong
zuanciatmai uh a, pawl khat pen Mualzawl khua beel ding in hong tai uh hi. Pawl
khat in Phaileng (Omlui) kiim teng mah ah Inn lamkik in teeng uh a, hunkhat
ciang in na halsak leuleu uh ahihman-in khualalna hun tawh kizomsuak hi, kici hi.
Mikangte ukna hong kipat ciang in
ukpite in deihlo in kidona omthei zelzel hi. 1892 October 9 Myo-uk suam huhau
in Mikang gal hong khang leuleu a, lungmuangtak lokhawh singpuak cih bang omsak
theilo zahdong in taiban nasep tampi a omsak ban ah Phaileng, Saizang khua inn
tampi Gurkha galkapte in halsak zelzel uh ahihman-in Kaptel leh Mualzawl khuate
beel ding in Sanggamte pawl khat hong galtai ngei uh hi.
1893 Kumbul lam in Mikang galkapte
Meitei guun kantan in Kaptel khua laak ding geelna tawh lampi bawl hong kipan
uh a, innma loma sem manlo liang in taaibaan nasep asawl tawntung in hong
buaisak mahmah uh ahihman-in hunkhat ciang in Phailengte in khua lal ding
vaihawm liang uh hi. Gamsung mun tuamtuam aa om teng
thu kizasak uh
a, gamveelte khuamun zonna Siingmual leh Khuangnung khawng zuan in pai uh hi.
Meitei gungal ah Mikang galkapte hong tun atheih ciang un Phaileng pan hong pai
Sanggamte in zong lungmuanhuai salo in Phaileng lam ah pawl khat ciah kik uh
hi.
Tua hi-a, Pu
Dongh On tapate sung pan Pu Hong Khual leh Pu Son Khat zong amau sunghte ciat
tawh Phaileng zuankik uh a, Tuilangh khuasatna dong ah na kihel suak uh hi.
Mualzawl Khua zong kihalsak Takpi:
Hausapa Pu Bena pen Myo-uk suamna ah kuan het lo ahihhang gal ai lak ah kihel
cih thu Kaptel pan galkap thukante’n atheihban ah Pu Thuam Thawng tawh vaikhat
hiden uh cih thu atheihciang un Mualzawl khua ah mikang galkapte hong paizel uh
hi. Tuabang kawmkaal ah Kaptel lam pawl khat in zong khua hong beel suk uh
ahihman-in upmawhhuai sa tektek uh hi. Pu Dongh On in Pu Bena tung ah ahunlap
in lutmaileng acih hang in Pu Bena in lut mah leng Pu Thuam Thawng in diksalo
zeel ding ci-in a lutnuamnai kei hi.
Pu Dongh Onte unau leh Mualzawl khua
upate in lutding hoihsa in kikum uh a, Laitui khuasatpa Pu Pau Suangh(Gualnam
Beh), a-upate sung pan Pu Phut On(Phaipi), Pu Za Neng(Gualnam) leh Pu Kai
Gin(HatLangh) tawh zong kikum uh a, Khaituh hunta, Innma-Loma hoihtak
kisemtheinailo kilemna bawl in valutding mah hoihsazaw tek uh hi. Sihzang gam
Sanggamte’n zong Mikang galkapte na dosuak-zolo uh ahihteh lutmai leng hoihzaw
khathei ding cin Pu Dongh On in agenteh Laitui khua makaite ahunlap in lut uh a,
a khua uh kihaalsaklo in honkhiazo takpi uh hi. Mualzawl khua ahihleh ahunlap
in kihuzolo ban ah galmakaipa in lutding autpaklohteh Pu Thuam Thawng panpih
khua khat in hong ciamteh uh a, haksatna phukhading dinmun amanawh hiaihiai
hita hi.
1893 March 9 in galvankhianuamlo
khuate: “Khua kihalsak ding, Thaulawng khempeuh kimatsakding” cih thu tawh kisai-in
mikang galkap tampi hongpai takpi uh-a,
Thaulawng om
teng (30) hong matsak ban ah khua hong haltum sak takpi uh ahihman-in Mualzawl
khua pen Vut leh vai suakpah in kicimawh mahmah tek lelmawk hi.. .
Khuamite pawl khat in aneih sunsun
uh vaimim leh tang beemte nawnkhia man uh a, mihing ganhing sisak lo uh hi.
Ahizong in Inn nei omnawnlo kiuhkeuh uh ahihman-un tua kum aa alokhawhna mun:
Kangkaan, Tuimu leh Vomkua Lobuuk ciat zuan in gamsung vive na tuh uh hi. Pawl
khat anhem manlo pawl zong a om hang in aneih sunsun uh na kihawm diamdiam uh,
a om bangbang nekhawm diamdiam uh ahihman-in asi cih bang omlo in a lokhawhna
mun uh Bukna Mun (Refugee Camp) asuakpah hi.
Mikangte in Pu Bena pen Myo-uk
suamna ah akihellohlam theinapi’n amatvevena thu anuai aa bang in kiciamteh hi.
- Kaptel hausapa Pu Thuam Thawng huhna pia..
- Galvankhianuamhetlo in panpih lailai.
- Mikang kumpite dembawl in ngaihsun uh a, kihehsak mahmah uh.
Mualzawl
khua kihaal khit thupiangte ciaptehna tuamtuam:
Mualzaw(Mwelyaul) “Village was
destroyed by us in 1893” ci’n The Chin Hills Vol. II, p.16 ah Galkapmang Carrey
& Tuck in 1896 um in gelh ngiat uh hi. Thaulawng amat khempeuh uh ciphulh
in halpah uh a, leisung ah phuum mangkhin pah lel uh kici hi.
Tuaban ah
Kaptel khua pan Pu Thuam Thawng leh atapa Pau Dal, Pu Kai Tuah leh Mualzawl
khua pan Pu Bena, Sihzang gal makai Pu Khai Kam hong matsak uh hi.
Pu Bena thongkiat sung in Kangkaan
leh Tuimu mah ah ki omsuak lai a, Mikang galkapte hong painoplohna ding in
lampite kipuahvetlo in gam kihaal hetlo ahihman in gamsungteng kikhuicip pah a,
tua hunsung mah in Hiang On khuakhung pan Pu Do Tual leh Pu Neek Lut in zong
Kangkaan leh Tuimu nab eel suk pah in Bukna Phualpi taktak asuak hi.
Kum 3 khit ciang in Pu Bena leh Pu
Kai Tuah hong suakta uh a, Kangkaan leh Tuimu tung suak pah uh hi. Mualzawl
khualui mun ah lingkungte napo khinta a, Pu Bena hong tun hang in khuazuat kik
ding kivaihawm zonawnlo ahihman-in Mualzawl khua beisiang ta hi.
Khuapihte in Khuathak zuat ding ut
zaw ciat uh a, Pu Bena in Kangkaan mun pen khua suahnuam in ahanciam leh Kaptel
khua khung aa Camp ngak Mikang galkapte in phawk uh ahihman in Mualzawl khua
phut kik nuam sa in Thaulawng 50 ngen aa, kipia zolo ahihman-in khua a suak sak
zo kei hi. Khua mite in hausapa deihna hang in Thaulawng neihsunsunteng hong
kimatsakna leh Inn kihaalsakna, neih leh lamh teng taanna atuahkhitciang-un
Thaulawng 50 piak ding nei hetlo uh ahihman in Kangkaan mun pen khua suak sak
zolo in kiciamteh hi. A kimat/kihaalsak Thaulawng 30 lak ah Phaileng khua pan
Saipi 7 mat lai-a Thaulawng kizangte zong kihelkha hi.
Lunmual Khua
mun zuatna(AD.1896):
Lunmual icihpen tunidong
akiteengsuak Lunmual Khua mun hi a, Tuanpupate hunlai (Kaalzang pan Ciimnuai
leh Phaileeng tuncil Pu Phut Thang’ c.1850 hunlaipawl) gamvaakte in geenbel in
aneih uh Singpaak leh Singgahte “Luun” acihna mun uh Mualkuam min tapsak in “Lunmual”
aphuak uh hi.
c.1896 AD in Kangkaan, Tuimu leh
Vomkua munte pan in khuathak sat ding autpawl kitamzaw ahihman in khuathak kizuan
in “Lunmual Khua” kicipah in Inn kilamzom thei pah lel hi. Mikang galkapte in
hongbuaisak nawnloh ban ah Ukpite leh amau nuai aa thunei-masate zong Mikangte
khut sung tung khin ta uh ahihman-in amau’ ut bangbang nuamtak sa in mipite
hehpihlo-in hong ukcipgawp thei nawnlo uh hi. Lunmual khua ah Inn tampi mah
akilam khitciang in gamvaak galkapte hong pai uh a, bang mah hong ngenselo in
aciahkikzel lel uh hi. Tua bang in Lungmuanna om kik ta a, Kangkaan bukna mun
pan Pu Do Tual leh Pu Neek Lut te Innkuan zong lozuat kik ma in Pu Bena tawh
hong kikhiinto in Lunmual ah hong omphot uh hi. Thubuaidang bang mah aomnawnloh
ciang in Kaptel ah teengto suakdin kisin-ngamta uh a, amau paikhitciang in
Pu Bena pen
asepngei Hausa mah Lunmual ah kiseem sak kik hi.
AD.1898 Lunmual khuasatzawh Kum 2
khit ciang in Pu Dongh On mualliam aa,
Ama’ taang in anasepteng
pen anaupa Pu Tuah Vial in Lunmual khua Suante Beh sung ah Phungsung Siampi
nasep ban ah Khua Upa tawh athuah khawm to suak hi.
